საქართველოს პარლამენტის თავდაცვისა და უსაფრთხოების კომიტეტის თავმჯდომარე ალექსანდრე ტაბატაძე იტალიის რესპუბლიკის დეპუტატთა პალატის თავდაცვის კომიტეტის თავმჯდომარეს ანტონინო მინარდოს შეხვდა.

საქართველოს პარლამენტის თავდაცვისა და უსაფრთხოების კომიტეტის თავმჯდომარე ალექსანდრე ტაბატაძე, თანმხლებ დელეგაციასთან ერთად, იტალიის რესპუბლიკის სენატის საგარეო და თავდაცვის კომიტეტის თავმჯდომარეს მაურიციო გასპარის შეხვდა.

საქართველოს საგარეო საქმეთა სამინისტრო აცხადებს საგრანტო კონკურსს  „ჩემი ქართული სკოლა“. საგრანტო პროგრამის მიზანია ქართული ენის სწავლების ხარისხის გაუმჯობესება, მოსწავლეების კულტურულ აქტივობებში ჩართულობის გაზრდა, საკვირაო სკოლების გაძლიერება სასწავლო მასალით და შემოქმედებითი რესურსებით, საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიურ წარმომადგენლობებისა და საკონსულო დაწესებულებების ჩართულობით.

საქართველოს საგანგებო და სრულუფლებიანმა ელჩმა, თამუნა ლილუაშვილმა, იტალიის ერთ-ერთი წამყვანი უნივერსიტეტის LUISS Guido Carli-ის მოწვევით, Country Day-ის ფარგლებში შეხვედრა გამართა სტუდენტებთან.

იტალიის რესპუბლიკაში საქართველოს საელჩოს ორგანიზებით, საქართველოს კულტურის სამინისტროს, ქ. რომის მუნიციპალიტეტისა და კულტურული პროექტის „Zètema Progetto Culturale“ მხარდაჭერით, საერთაშორისო პროექტის „მუზეუმების ღამე 2026“ (Notte dei Musei) ფარგლებში, საქართველო კაპიტოლიუმის პროტომოთეკის დარბაზში (Sala della Protomoteca) საპატიო სტუმრის სტატუსით იყო წარმოდგენილი.

იტალიის რესპუბლიკაში საქართველოს საელჩოს ორგანიზებით, კულტურის სამინისტროსა და მეღვინეობა “ნიმბის” მხარდაჭერით, ქ. რომის ისტორიულ Casina Valadier-ში საქართველოს დამოუკიდებლობის დღისადმი მიძღვნილი საზეიმო მიღება გაიმართა.

2026 წლის 19 მაისს იტალიის რესპუბლიკაში საქართველოს საელჩოსა და ქართული სათვისტომოს “კოლხეთის” ერთობლივი ორგანიზებით გაიმართა ქართული კულტურისა და ხელოვნებისადმი მიძღვნილი საღამო, რომლის ფარგლებშიც საქართველოდან სპეციალურად მოწვეულმა ხელოვნებმა მრავალფეროვანი შემოქმედება წარმოადგინეს.

იტალიის რესპუბლიკაში ოფიციალური ვიზიტის ფარგლებში, საქართველოს პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ, თანმხლებ დელეგაციასთან ერთად, შეხვედრები გამართა იტალიის სენატში საქართველოსთან მეგობრობის ჯგუფის ხელმძღვანელთან, მარკო სილვესტრონისთან და სენატის საგარეო ურთიერთობათა და თავდაცვის კომისიის პრეზიდენტთან, მაურიციო გასპარისთან.

ხელოვნების საერთაშორისო გამოფენაზე - ვენეციის 61-ე ბიენალეზე, კულტურის სამინისტროს მხარდაჭერით, საქართველოს ეროვნული პავილიონი გაიხსნა პროექტით - „თანამედროვე არგონავტები - საქართველოს გზაჯვარედინი“.

ხმელთაშუა ზღვის საპარლამენტო ასამბლეის (PAM) სამიტის ფარგლებში, საქართველოს პარლამენტის თავმჯდომარე შალვა პაპუაშვილი მალტის წარმომადგენელთა პალატის თავმჯდომარეს, ანჯელო ფარუჯას შეხვდა.

2026 წლის 5 მაისს, იტალიის რესპუბლიკაში საქართველოს საგანგებო და სრულუფლებიანმა ელჩმა, თამუნა ლილუაშვილმა, შეხვედრა გამართა იტალიის დეპუტატთა პალატის კულტურის კომიტეტის თავმჯდომარესთან, ფედერიკო მოლიკონესთან.