საკონსულო აღრიცხვა
რა არის საკონსულო აღრიცხვა?
საკონსული აღრიცხვა არის საქართველოს მოქალაქეთა საზღვარგარეთ დროებით ან მუდმივად ყოფნის ფაქტის აღრიცხვა.
სავალდებულოა თუ არა საკონსულო აღრიცხვა?
არა, მაგრამ საზღვარგარეთ მყოფ საქართველოს ნებისმიერ მოქალაქეს შეუძლია დადგეს საკონსულო აღრიცხვაზე.
რაში მჭირდება საკონსული აღრიცხვა?
- საქართველოში თქვენი რეგისტრაციის ადგილის მიხედვით, კომუნალური (სულადობის მიხედვით) გადასახადების თავიდან ასაცილებლად.
- საჭიროების შემთხვევაში თქვენი ადგილსამყოფელის დასადგენად და შესაბამისი დახმარების აღმოსაჩენად.
სად და როგორ დავდგე საკონსულო აღრიცხვაზე?
საკონსულო აღრიცხვაზე შეგიძლიათ დადგეთ როგორც ელექტრონული ფორმით, სახლიდან გაუსვლელად, ისე საკონსულოში ვიზიტის ან ფოსტის საბუთების გამოგზავნის გზით.
ელექტრონული ფორმით:
- საგარეო საქმეთა სამინისტროს ვებ-გვერდზე (მიჰყევით ბმულს) შეავსეთ ელექტრონული განცხადება, ატვირთეთ თქვენი ბიომეტრიული ფოტოსურათი. მომსახურებების ჩამონათვალში აირჩიეთ "საკონსულო აღრიცხვა".ან
- საკონსულოში ვიზიტით,(მიჰყევით ბმულს), შეავსეთ ელექტრონული განცხადება და დანიშნეთ ვიზიტი საკონსულოშიან საფოსტო მომსახურების გზით:
- საქართველოს საელჩოს საკონსულო სამსახურს გამოუგზავნეთ შემდეგი საბუთები:
საქართველოს საელჩოს საკონსულო სამსახურს გამოუგზავნეთ შემდეგი საბუთები:
- შევსებული ანკეტა (იხილეთ დანართი)
- ფოტოსურათი (ნებაყოფლობითია)
საქართველოს საელჩოს საკონსულო სამსახურის მისამართია:
Embassy of Georgia to Italy Permanent Representation of Georgia to FAO, IFAD and WFP
CONSULAR SECTION
Via del Plebiscito, 102, 00186 Roma RM
საკონსულო აღრიცხვა უფასოა
დამატებითი ინფორმაციისთვის, შეგიძლიათ დაუკავშირდეთ საკონსულო სამსახურს:
0645540281*ორშაბათიდან პარასკევის ჩათვლით 15სთ-დან 17სთ-მდე