ვიდეოკონფერენცია საქართველოსა და იტალიის პარლამენტის თავმჯდომარეებს შორის
გრძელდება იტალიასა და საქართველოს შორის პარლამენტთაშორისი ურთიერთობა და თანამშრომლობა მაღალ დონეზე.
8 მაისს, დეპუტატთა პალატის თავმჯდომარეს რობერტო ფიკოსა და საქართველოს პარლამენტის თავმჯდომარეს არჩილ თალაკვაძეს შორის ვიდეოკონფერენცია გაიმართა.
ვიდეო კონფერეციის ფარგლებში, საუბარი შეეხო იმ გამოცდილებისა და პრაქტიკის გაზიარებას, რომელიც პანდემიის პირობებში საპარლამენტო საქმიანობის უწყვეტობას უზრუნველყოფს. მხარეებმა იმსჯელეს იმ შესაძლო ინიციატივებზეც, რომლებიც მიმართული იქნება ეკონომიკურ და სოციალურ სფეროებში კრიზისის უარყოფით ზეგავლენასთან საბრძოლველად.
ვიდეოკონფერენციაზე კიდევ ერთხელ გაესვა ხაზი მეგობრობასა და თანამშრომლობას ჩვენს ორ ქვეყანას შორის, ასევე, საპარლამენტო დონეზეც.
