2023 წლის 26 დეკემბერს საზღვარგარეთ საქართველოს დიპლომატიური წარმომადგენლობების ხელმძღვანელთა ყოველწლიური შეხვედრა „ელჩების კონფერენცია 2023: საქართველო - ევროკავშირის კანდიდატი ქვეყანა“ გაიხსნა. კონფერენციას მისასალმებელი სიტყვით მიმართა საგარეო საქმეთა მინისტრმა, ილია დარჩიაშვილმა.
2023 წლის 19 დეკემბერს საქართველოში მალტის რესპუბლიკის ახლადდანიშნულმა ელჩმა, (რეზიდენციით ვალეტა) ნოელ კამილერიმ, საქართველოს საგარეო საქმეთა მინისტრის მოადგილეს, თეიმურაზ ჯანჯალიას, რწმუნებათა სიგელების ასლები გადასცა.
საქართველოს საელჩო იტალიის რესპუბლიკაში სტაჟირების კონკურსს აცხადებს. საელჩოსა და საკონსულო სამსახურში, 3 თვის ვადით, სტაჟირებას გაივლის განაცხადების განხილვის და გასაუბრების შედეგად შერჩეული 6 აპლიკანტი.
საქართველოს საგარეო საქმეთა მინისტრის მოადგილე თეიმურაზ ჯანჯალია, იტალიის რესპუბლიკაში სამუშაო ვიზიტის ფარგლებში, იტალიის საგარეო საქმეთა და საერთაშორისო თანამშრომლობის მინისტრის მოადგილეს, ედმონდო ჩირიელის შეხვდა.
იტალიის პარლამენტის თავმჯდომარემ დადებითად შეაფასა ევროკავშირის რეკომენდაციების შესრულების პროგრესი და გამოთქვა საქართველოსთვის კანდიდატი ქვეყნის სტატუსის მინიჭების იმედი. მისი შეფასებით, იტალია მხარს დაუჭერს ამ პროცესს.
ვიზიტის ფარგლებში, ქ.ბოლცანოში, დელეგაცია ტრენტინო-ალტო ადიჯეს რეგიონული საბჭოს პრეზიდენტმა, იოზეფ ნოგლერმა მიიღო. შეხვედრაზე განხილულ იქნა საქართველოსა და იტალიას, განსაკუთრებით კი, ტრენტინო-ალტო ადიჯეს რეგიონს შორის კავშირების განმტკიცების და სხვადასხვა სფეროში თანამშრომლობის პერსპექტივები.
.webp&w=3840&q=75)
